Јашари со нов триумф до вториот пехар
- Актуелниот македонски првак во снукер, Берат Јашари, победи на вториот турнир од „Алфа Плам Националното првенство“ кој викендов се одигра во Скопје.
![Јашари со нов триумф до вториот пехар](https://new.mia.mk/index.php/images/20230522133339_big_730x400_55.webp )
Скопје, 22 мај 2023 (МИА) - Актуелниот македонски првак во снукер, Берат Јашари, победи на вториот турнир од „Алфа Плам Националното првенство“ кој викендов се одигра во Скопје.
Во финалниот меч тој го совлада Петар Панов со 3:0 покажувајќи добра форма и мотивираност во пресрет на претстојните меѓународни настапи.
- Во полуфиналето со Павле Данилов успеав да се вратам откако противникот стекна почетно водство и на крајот да победам со 3:1. Во финалето со Петар Панов имав впечаток дека тој не беше на нивото од првиот ден кога играше убаво во квалификациите и постигнуваше брејк од 70 поени. Мислам дека и финалниот меч траеше покусо отколку полуфиналето, можеби го имаше совладано замор, а обратно од тоа јас подобро играв на вториот ден и тоа навистина ми даде поголема самодоверба во пресрет на настапот на Европско првенство, изјави Јашари.
Со втората победа, воедно тој се издвои на врвот на табелата како најсериозен кандидат за титулата во 2023 година. зс/