Јапонски град забрани гледање во телефонот во од по улица
- Забраната има широка поддршка од тамошните жители - и млади и постари. Скоро сите се сложуваат дека тоа го одвлекува вниманието на пешакот и го доведува во опасност. И, засега не е напишана н
![Јапонски град забрани гледање во телефонот во од по улица](https://new.mia.mk/index.php/images/20221104133748_big_730x400_83.webp )
Јамато, 7 јули 2020 (МИА) - Јапонскиот град Јамато им забрани на луѓето во градот да гледаат во телефон додека одат по улица, низ парк или пак - на плоштадите.
Во градот со 250.000 жители, и туристите и патниците ќе бидат дочекани со известувања за забраната.
„Додека одите низ градот, забрането е користење паметен телефон. Ве молиме, користете ги телефоните кога ќе престанете со одот", се слуша од разгласите низ градот.
Забраната има широка поддршка од тамошните жители - и млади и постари. Скоро сите се сложуваат дека тоа го одвлекува вниманието на пешакот и го доведува во опасност. И, засега не е напишана ниедна казна.
Истражување на јапонската телекомуникациска компанија ХТТ, покажува дека пешаците со „закован поглед“ на паметниот телефон губат 95 насто од видното поле.
Кога тоа ќе се елиминира, значително се намалуваат и можностите за сообраќајна незгода. си/