Струмица, 3 март 2026 (МИА)-Општина Струмица започнува соработка со студентите по архитектура од Американ Колеџ Скопје, соопшти градоначалникот на Струмица, Петар Јанков.

-Со големо задоволство најавувам една нова иницијатива за нашиот град. Општина Струмица започнува соработка со студентите по архитектура од Американ Колеџ Скопје со цел заедно да создадеме современи и одржливи архитектонски решенија кои ќе ја обликуваат иднината на нашиот град, објави на неговиот фејсбук профил градоначалникот Јанков.

Тој појаснува дека целта е идејните концепти што ќе бидат понудени за градот да бидат претставени пред Струмичани за и тие да бидат запознаени 

-Овие млади и талентирани студенти, со поддршка и менторство од нашите стручни тимови, ќе работат на идејни концепти за јавни и урбани проекти кои ќе ги задоволат потребите на нашата заедница и ќе бидат во согласност со урбанистичката документација. По завршувањето на процесот, сите идеи ќе ги презентираме јавно, за да можете и вие, граѓаните на Струмица, да се запознаете со нивните креативни визии и потенцијалните насоки за развој на нашиот град, напиша Јанков.

Додава дека со оваа иницијатива сакаат да ја зајакнат врската помеѓу академската заедница и локалниот развој, но, пред сè, да се создаде простор за иновативност, транспарентност и активно учество на сите во градењето на иднината на Струмица.рт/вг/

Фото: ФБ Петар Јанков