Скопје, 26 јануари 2024 (МИА) - Јавна дискусија за нацрт-текстот на „Националната стратегија за развој на интеркултурализмот и општествената кохезија 2024-2026“ ќе се одржи денеска во Клубот на органите на државната управа (Клуб на пратеници).

Како што е најавено, ќе се обратат вицепремиерот за економски прашања, координација на економските ресори и инвестиции Фатмир Битиќи, министерот за образование и наука Јетон Шаќири, министерката за труд и социјална политика Јована Тренчевска и Ана Чупеска-Станишковска, претставник на академската заедница.

Јавната дискусија ќе ја води Роберт Алаѓозовски, претседател на Координативното тело за изготвување на Националната стратегија за развој на интеркултурализмот и општествената кохезија. мд/са/

Фото: МИА архива