Ѓулер најмлад Турчин кој постигнал гол на ЕП
- Турскиот репрезентативец Арда Ѓулер постигна гол на вчерашниот натпревар со Грузија (3:1) на Европското првенство 2024.
![Ѓулер најмлад Турчин кој постигнал гол на ЕП](https://new.mia.mk/index.php/images/20240619080028_big_730x400_48.webp )
Дортмунд, 19 јуни 2024 (МИА) - Турскиот репрезентативец Арда Ѓулер постигна гол на вчерашниот натпревар со Грузија (3:1) на Европското фудбалско првенство 2024.
Играчот од средниот ред на Реал Мадрид во листата на стрелците се запиша со 19 години и 114 дена и стана најмладиот турски играч кој постигнал гол на Европско или Светско првенство.
Ѓулер го надмина и постигнувањето на Португалецот Кристијано Роналдо, кој претходно беше најмладиот стрелец на гол во дебитантскиот натпревар на ЕП.
Воедно, Ѓулер го постигна вториот гол во својот 8-ми натпревар за турската репрезентација. зс/
Фото: ЕПА