Ѓоковиќ - Циципас во полуфиналето на „Ролан Гарос“
- На некој начин, Србинот му се одмазди на Шпанецот за единствениот „пораз“ годинава, а се работи за дисквалификацијата пред еден месец на УС Опен.
![Ѓоковиќ - Циципас во полуфиналето на „Ролан Гарос“](https://new.mia.mk/index.php/images/20221104220303_big_730x400_96.webp )
Париз, 7 октомври 2020 (МИА) - Новак Ѓоковиќ ќе игра во своето десетто полуфинале на „Ролан Гарос“. По 190 минути игра, светскиот рекет број еден го победи Пабло Карењо Буста од Шпанија со 4: 6, 6: 2, 6: 3, 6: 4.
На некој начин, Србинот му се одмазди на Шпанецот за единствениот „пораз“ годинава, а се работи за дисквалификацијата пред еден месец на УС Опен.
Не беше лесно ниту сега, Буста играше многу добро во Париз и добро го намачи Ѓоковиќ.
Српскиот тенисер ќе игра за пласман во финалето во петок против Стефанос Циципас (Грција).