Ѓоковиќ се израмни со Лендл по бројот на победи на завршните турнири
- Првиот светски рекет Новак Ѓоковиќ денес, во првото коло „Зелена група“ на завршниот АТП турнир во Торино го победи осмиот на светската ранг-листа, Каспер Руд од Норвешка со 2:0. Првиот сет б
![Ѓоковиќ се израмни со Лендл по бројот на победи на завршните турнири](https://new.mia.mk/index.php/images/20221108223604_big_730x400_98.webp )
Торино, 15 ноември 2021 (МИА) - Првиот светски рекет Новак Ѓоковиќ денес, во првото коло „Зелена група“ на завршниот АТП турнир во Торино го победи осмиот на светската ранг-листа, Каспер Руд од Норвешка со 2:0. Првиот сет беше решен во тај-брејк со 7:4 за Србинот, додека вториот заврши 6:2.
За Ѓоковиќ ова е вкупно 39-та победа во кариерата на завршните АТП турнири. Според овој индикатор, тој е втор изедначувајќи се со Иван Лендл. Роџер Федерер има најмногу победи, вкупно 59.
-Ова е седми пат кога годината ја завршувам како рекет број еден во светот. За мене ова е неверојатен настан. Моето патување продолжува и се надевам дека ќе играм уште неколку години, рече Ѓоковиќ по победата над Руд.
Во „Зелената група“ уште играат Стефанос Циципас и Андреј Рублев. зс/