Ѓоковиќ за победата над Лестиен: Можеби ова е мојот најдобар тенис на австралиско тло
- Српскиот тенисер Новак Ѓоковиќ е задоволен од своето издание на мечот со Французинот Констант Лестиен.
![Ѓоковиќ за победата над Лестиен: Можеби ова е мојот најдобар тенис на австралиско тло](https://new.mia.mk/index.php/images/20230103110956_big_730x400_54.webp )
Аделаида, 3 јануари 2023 (МИА) - Српскиот тенисер Новак Ѓоковиќ е задоволен од своето издание на мечот со Французинот Констант Лестиен.
Ѓоковиќ победи со 6:3 и 6:2 во мечот од првото коло на АТП турнирот 250 во Аделаида.
- Можеби ова е мојот најдобар тенис на австралиско тло. Стигнав рано, речиси една недела пред мојот прв натпревар. Всушност, не се сеќавам кога стигнав овде толку рано, па имав доволно време да се прилагодам на временската зона и временската разлика, и само она што ме чека овде. Како што реков, од првиот ден, луѓето беа многу љубезни, дарежливи со мене и мојот тим, па севкупно е одлично искуство досега, го цитира Ѓоковиќ „Tennis Majors“.
Следен противник на српскиот тенисер ќе биде Кантен Алис од Франција. зс/