Штип, 13 јануари 2025 (МИА) – Два дена интензивно се чистат сите улици и тротоарни површини низ градот Штип. Директорот на ЈП „Стипион“-Штип, Панче Стефановски, вели дека сите расположливи човечки и технички ресурси на двете јавни претпријатија во Штип се на терен и интезивно работат на расчистување на улиците и тротоарите од снег. Со вкупно 12 машини дејствува ЈП „Стипион“, а дополнително ангажиран е и јавен оператор со шест машини.

Се чистат приорителни улици во централното градско подрачје, влезовите кон штипската Клиничка болница, веќе се работи и на споредни улички, а помош ќе биде испратена и за Општина Карбинци. Директорот Стефановски повика на разбирање од страна на гарѓаните, бидејќи се работи во Штип и околните населени места.

-Веќе втор ден јавното претпријатие е непрекинато на терен, сите наши технички и човечки ресусри се ставени во функција. Вкупно 12 машини се постојано низ градот и ги чистат улиците по приоритет. Приоритетно за чистење беше централното градско подрачје, сите пристапи до Клиничка болница- Штип, влезовите во градот и булеварите. Сега веќе се префрламе кон споредните улици, тротоарските површини, вели Стефановски.

На терен се и екипите на ЈП „Исар“, кои се фокусирани на чистење на снежните наноси на тротоарите и мостовите. Се дејствува со две машини за чистење на тротоарите, а достапни се и два липкери за чистење на коловозите. Постојано се фрла и сол, песок и ризла со цел сообраќајот и движењето да биде непречено. Според директорот на ЈП „Стипион“, Стефановски  има доволно количини на сол и ризла за да се справат со снежниот бран кој го зафати Штип.вдј/бт/

Фото: МИА