Штипскиот Дом на млади ќе добие реконструирана летна тераса
- Штипскиот Дом на млади по 40 години ќе добие реновирана, но и модерна летна тераса, која за повозрасните штипјани е култно место. Оваа летна тераса со познатиот чадор беше сцената на којашто
![Штипскиот Дом на млади ќе добие реконструирана летна тераса](https://new.mia.mk/index.php/images/20221106140921_big_730x400_33.webp )
Штип, 19 март 2021 (МИА) - Штипскиот Дом на млади по 40 години ќе добие реновирана, но и модерна летна тераса, која за повозрасните штипјани е култно место. Оваа летна тераса со познатиот чадор беше сцената на којашто настапуваа речиси сите балкански музички ѕвезди и групи.
Директорот на Дом на млади, Горан Трајков, вели дека проектот предвидува младите да добијат нови содржини, но и базен.
- По 40 години постоење на летната тераса од Домот на младите ќе биде реконструирана и проширена со нови активности како мултифункционална средина за младите затоа што овој дом го заслужува тоа и е дом на многу генерации. Планирано е да има партерно уредување, ќе има базен и простор за качување по карпи, рече Трајков.
Според најавите, тендерската постапка треба да се реализира наредниот месец, а рокот за реконструкцијата е три месеци.
Општина Штип проектот го доби преку Источно-планскиот регион, а средствата се обезбедени преку Бирото за рамномерен регионален развој и Министерството за локална самоуправа. Покрај Штип, на листата на проекти од регионално значење се и проекти парк во Општина Кочани, Градски пазар во Делчево, осветлување на магистралниот пат на влезот на Македонска Каменица, изградба на колекторски систем и пречистителна станица во селото Лесново во Општина Пробиштип и реконструкција на постоечкиот пат покрај Беровското Езеро. вдј/мд/
![Дом на млади Штип](/articles/images/shtipskiot-dom-na-mladi-e-dobie-rekonstruirana-letna-tarasa/27kMJ3VXG/placeholder.webp?use_watermark=0)