Штипскиот алпинист Зоран Николов го искачи Памир
- Штипјанецот Зоран Николов е еден од малкумината кои успеале да се искачат над 6.000 метри надморска височина, на планината Памир. Тој е на 12 дневна експедиција на планината Памир, планинск
![Штипскиот алпинист Зоран Николов го искачи Памир](https://new.mia.mk/index.php/images/20221113191540_big_730x400_2.webp )
Штип, 1 август 2022 (МИА) - Штипјанецот Зоран Николов е еден од малкумината кои успеале да се искачат над 6.000 метри надморска височина, на планината Памир. Тој е на 12 дневна експедиција на планината Памир, планински венец во средна Азија, од каде вели дека навистина е потребно голем труд за да се искачи врв на таа надморска височина.
Алпинистот Николов има искачено неколку врвови над 4.000, 5.000 и 6.000 метри надморска височина. Сега се наоѓа во камп од каде вели дека е оптимист и се надева на успешно завршување на планинарската тура. За три до четири дена доколку работите се одвиваат според планираното би требало да се врати назад во државата. Памир е планински венец во средна Азија и се вбројува во една од највисоките планини во светот, позната како „Покривот на светот“. Ова е планина која во текот на целата година е покриена со снег. вдј/вј/
![Памир](/articles/images/%d1%88%d1%82%d0%b8%d0%bf%d1%81%d0%ba%d0%b8%d0%be%d1%82-%d0%b0%d0%bb%d0/5UWegcgCd/placeholder.webp?use_watermark=0)