Штипската гимназија се поднови со нов котел за греење
- По 40 години, штипската гимназија „Славчо Стојменски“ доби нов котел за грееење. Стариот, кој е поставен уште во средината на 70-те години од минатиот век, конечно е заменет со нов. Директоро
![Штипската гимназија се поднови со нов котел за греење](https://new.mia.mk/index.php/images/20221102113441_big_730x400_18.webp )
Штип, 3 јануари 2020 (МИА) - По 40 години, штипската гимназија „Славчо Стојменски“ доби нов котел за грееење. Стариот, кој е поставен уште во средината на 70-те години од минатиот век, конечно е заменет со нов. Директорот на СОУ „Славчо Стојменски“, Ристо Петковски вели дека ова е дел од инвестициите кои годинава се направени во училиштето.
Освен котелот сменети се врати и прозорци, поставен е нов ламинат во десет кабинети, нови клима уреди, а набавени се и 15 електронски табли и исто толку ЛЦД проектори, за потребите на наставниот процес.
-Јас не би го коментирал техничкиот дел од мојата работа. Тоа се пари на граѓаните. Тоа се пари на обврзниците на Македонија, даночните. Така што, мојата основна работа и главна пред сè е воспитно образовниот процес, ред, хигиена, дисциплина, редовност таму се гледа успехот на еден директор во образованието, вели Петковски.
Штипската гимназија е единствено училиште во регионот и едно од ретките во државата која успеја да обезбеди оценка 4 при интегрираната државна инспекција.Во училиштето учат околу 700 ученици, а годишно матурираат по 160. вдј/ир
![2](/articles/images/shtipskata-gimnazi-a-se-podnovi-so-nov-kotel-za-gree-e/fGaJuAyzp/placeholder.webp?use_watermark=0)