Сан Франциско, 15 декември 2024 (МИА) - Германскиот плејмејкер, Денис Шрудер беше трејдуван во Голден Стејт Вориорс, пренесе ЕСПН. Оваа сезона Германецот забележа одлична статистика од 18,4 поени, 6,6 асистенции и 1,1 украдена топка по натпревар.

Информацијата дека Германецот е нов играч на Вориорс ја пренесе инсајдерот Шамс Чарнија.

Шрудер требаше да му се приклучи на тимот на Стив Кер заедно со пик во втората рунда.

Бруклин Нетс и клубот во кој Шрудер ја започна сезоната ќе го добијат Диентони Мелтон и три пика од втората рунда за возврат.

Да потсетиме, Голден Стејт има многу силна бековска линија составена од Стеф Кари, Бади Хилд, Гери Пејтон, Брандин Поџемски, а кога ќе му се приклучи Шрудер, таа ќе стане вистинска опасност за сите.

Стив Кер ќе има проблем кога е во прашање распределбата на минутите на бековските позиции.

Инаку, Денис Шрудер влезе на драфтот во 2013 година и беше избран како 17-ти пик од Атланта Хокс.

Во Атлатна, тој се етаблира како еден од подобрите интернационалци во лигата.

За неа играше пет години, а најмногу се истакна во последната година од договорот, кога реализираше 19 поени по натпревар.

Неговото кошаркарско патување го однесе понатаму во Оклахома, а потоа кариерата ја продолжи во Лејкерс. Потоа се приклучи на Бостон, за подоцна да се пресели во Хјустон, а во летото 2023 година, тој се приклучи на Торонто Репторс и потпиша двегодишен договор вреден 26.000.000 долари. дс

Фото: Принтскрин