Шпанија ја победи Франција во финалето на олимпискиот фудбалски турнир
- Шпанската машка фудбалска репрезентација го освои златото на Олимписките игри во Париз. Во финалето Шпанците вечерва го совладаа францускиот тим.
![Шпанија ја победи Франција во финалето на олимпискиот фудбалски турнир](https://new.mia.mk/index.php/images/20240809210352_big_730x400_32.webp )
Париз, 9 август 2024 (МИА) - Шпанската машка фудбалска репрезентација го освои златото на Олимписките игри во Париз. Во финалето Шпанците вечерва го совладаа францускиот тим.
Во регуларното време натпреварот заврши нерешено - 3:3. Во продолженијата Шпанците погодија двапати за конечни 5:3.
Головите за Шпанија ги постигна Фермин Лопез (два), Алекс Баена и Серхио Камело кој погоди двапати во продолжението.
За Франција погодија Енцо Мајо, Манес Аклиуш и Жан-Филипе Матета.
Во мечот за бронзениот медал, селекцијата на Мароко го совлада Египет со 6:0.
Шпанската репрезентација го освои олимпиското злато за прв пат по Игрите во Барселона во 1992 година. зс/
Фото: ЕПА