Париз, 28 октомври 2024 (МИА) - Неколку часа пред церемонијата, големиот фаворит за трофејот изгледа остана со празни раце. Иако Винисиус Жуниор беше меѓу главните кандидати за овогодинешната „Златна топка“, многумина околу него и во Реал Мадрид веќе веруваат дека тој најверојатно нема да ја освои наградата.

Бразилецот остави силен впечаток со неговата клучна улога во успесите на клубот минатата сезона, вклучувајќи ја и освојувањето на Лигата на шампионите и Ла Лига. Неговите индивидуални достигнувања и придонес за тимскиот успех го направија Винисиус еден од главните фаворити, но сега изгледа дека ќе остане без најпосакуваната награда.

Поради оваа причина, Бразилецот дури одби да отпатува во Франција и да присуствува на доделувањето, што е големо навестување дека тој нема да биде победник.

Главниот уредник на „Франс Фудбал“, Винсент Гарсија истакна дека индивидуалниот учинок е водечки критериум за наградата, а Винисиус навистина покажа импресивни резултати. Сепак, расположението во Мадрид упатува на разочарување неколку часа пред вечерашната церемонија во Париз.

Доколку Винисиус Жуниор не го земе трофејот, следен голем фаворит е Родри од Манчестер Сити. дс

Фото: Архива