Шнајдер: Германската влада нема повеќе пари
- Германскиот државен министер, Карстен Шнајдер изјави дека германската влада нема повеќе финансиски средства во буџетот.
![Шнајдер: Германската влада нема повеќе пари](https://new.mia.mk/index.php/images/20240130175510_big_730x400_61.webp )
Берлин, 30 јануари 2024 (МИА) - Германскиот државен министер, Карстен Шнајдер изјави дека германската влада нема повеќе финансиски средства во буџетот.
-Би сакал накратко да кажам неколку искрени зборови за финансиската состојба. Едноставно немаме повеќе пари, изјави Шнајдер.
Политичарот на владејачката „семафорска коалиција“ додаде дека германската влада потрошила 800 милијарди евра за помош за време на епидемијата на корона вирусот, како и за пакети за субвенционирање на цените на гасот и струјата.
-Сега е време да се плати за тоа, нагласи Шнајдер, додавајќи дека повеќе не може да најавува дополнителна помош.
Заемите за „важни инвестиции во иднина“ повеќе не се можни поради одлуката на германскиот Уставен суд, додаде германскиот државен министер.
Тој призна и дека германската влада не постапила правилно кон земјоделците.
-Двојното даночно оптоварување на моторните возила и земјоделскиот дизел беше превисоко и за тоа не се разговараше со нив. Беше јасна грешка, рече Шнајдер.
Полицајката Сара Вагенкнехт, пак, изјави дека Германија сега ја има „најглупавата влада во Европа“ и посочи дека сака да види влада во Берлин што навистина ги застапува интересите на луѓето во нејзината земја. мс/
фото: МИА архива