Скопје, 18 јули 2024 (МИА) - Екипата на Шкендија ги заврши настапите во квалификациите за Конференциската лига на УЕФА. 

Откако загубија од Ноах во Ерменија со 2:0, вечерва вицешампионот на Македонија загуби со 1:2 (0:1).

Миљковиќ во 20. минута реализираше со глава за предност на гостите, а Шкендија преку Цаке израмни во 53. минута.

Следеа неколку добри шанси за тетовци за целосен пресврт, но гостите се одбранија, па до крајот не дозволија и поголема драма на теренот.

Во судиското надополнување, Виржил Пинсон ги постави конечните 1:2 за втор триумф на Ноах во овој дуел. дс

Фото: КФ Шкендија