13 ноември 2023

Членот на Извршниот одбор на СДСМ Петре Шилегов за вестите на Сител телевизија истакна дека Скопје загуби две години, поради неподготвеноста и непознавањето на материјата од страна градските власти системот за јавен транспорт во Скопје, Бас рапид транзит – БРТ, две години беше закочен.

-Нема стратешки недостатоци во проектот БРТ, тоа е фрлање прашина во очи на јавноста, истакна Шилегов, додавајќи дека на проектот БРТ работеа експерти од Лондон, Брисел, но и од земјава и сообраќајното решение е врз таква експертска основа, тендерот беше распишан пред изборите во 2021 година, но актуелната локална власт во Скопје ја прекина постапката. Тоа е единствената издржана опција за современ јавен транспорт во Скопје додаде тој.

Шилегов зборуваше и за неисполнетото ветување на Арсовска за бесплатен градски превоз и додаде дека граѓаните се изневерени од лесни зборови кои не биле реални потенцирајќи дека единствена можност за поевтинување на превозот е БРТ, кој би ги намалил цените на јавен транспорт значително, за дури 70%.

-Запрепастен сум од односот на сегашната локална власт кон граѓаните. Видовме што се случува со јавниот превоз во градот, прв пат имавме штрајк во јавниот превоз, автобуси речиси и да нема, уништен е системот на ЈСП. Тоа сето се удира врз граѓаните, цената ја плаќаат граѓните, рече Шилегов, додавајќи дека секоја лесно изговорена реченица, носи тешки последици.

Во врска со евроинтеграцијата, Шилегов, нагласи дека напорите на СДСМ се искрени кон државата и кон граѓаните.

Верувам дека проевропските сили во Македонија се се уште доволно политички јаки да ја водат државата напред, граѓаните сакаат извесна иднина, а не да живеат во неизвесност, порача членот на Извршниот одбор на СДСМ Петре Шилегов за вестите на Сител телевизија.

СДСМ
Центар за комуникации со јавноста

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.