Шест млади парови конкурираат за јубилејната 15-та Пијанечко-малешевска свадба
- Шест млади парови годинава ќе конкурираат за младоженци на годинашното издание на манифестацијата Пијанечко-малешевска свадба.
![Шест млади парови конкурираат за јубилејната 15-та Пијанечко-малешевска свадба](https://new.mia.mk/index.php/images/20221107021521_big_730x400_17.webp )
Делчево, 21 април 2021 (МИА) - Шест млади парови годинава ќе конкурираат за младоженци на годинашното издание на манифестацијата Пијанечко-малешевска свадба.
Зенил Реџепов, раководител на Културно-уметничкото друштво „Гоце Делчев“ од Делчево, кој е главен носител на настанот, информираше дека во конкуренција за учество на настанот влегуваат и три парови кои биле на листата на чекање од минатата година.
-Ние во моментот како организатори на јубилејното 15 издание на Пијанечко-малешевската свадба имаме пријавено три брачни парови и три брачни парови од минатогодишната листа на чекање, тоа се вкупно шест. Со сите нив ќе имаме интервју и некаде на средината на мај ќе го прогласиме парот за јубилејното издание на традиционалната манифестација, рече Реџепов.
![Зенил Реџепов од Куд Гоце Делчев](/articles/images/shest-mladi-parovi-konkuriraat-za-ubile-nata-15-ta-pi-anechko-maleshev/Mlh2poinb/placeholder.webp?use_watermark=0)
Активностите за организација на настанот, како што додаде Реџепов, ќе се реализираат согласно условите кои ги наметнува здравствената пандемија.
-Ако е во пандемиски услови, ќе ги следиме сите протоколи за одржување на манифестацијата, но посакувам оваа пандемија да се приближи кон крајот, да се вратиме на нормалното и пак Делчево да живее со Пијанечко-малешевските свадбарски обичаи, рече Реџепов.
Минатата година 14-тото издание на Пијанечко-малешевската свадба, како придружна манифестација на „Делчево Фест“, поради пандемијата се реализираше преку он-лајн музички перформанс. вс/мд/