Шекил О'Нил незадоволен од големата разлика во платите меѓу играчите во машката и женската НБА
- Легендарниот центар Шекил О'Нил смета дека има преголема разлика меѓу платите на играчите во машката и женската НБА.
![Шекил О'Нил незадоволен од големата разлика во платите меѓу играчите во машката и женската НБА](https://new.mia.mk/index.php/images/20221112041221_big_730x400_61.webp )
Лос Анџелес, 2 февруари 2022 (МИА) - Легендарниот центар Шекил О'Нил смета дека има преголема разлика меѓу платите на играчите во машката и женската НБА.
- Во НБА-лигата, некои момци кои не вредат добиваат 40 милиони без причина. Во женската НБА платата на девојките е 700 илјади. Не е во ред. Треба да се направи нешто околу тоа, изјави О’Нил за „Essentially Sports“.
Според Универзитетот Аделфи, постои голема разлика помеѓу просечните плати на играчите во НБА и ВНБА. Тие проценуваат дека машките кошаркарски ѕвезди заработуваат приближно 8,3 милиони долари, додека девојките заработуваат 75 181 долари. зс/