Шаќири на состанок со претставници на ДЕУ и МФ за искористеноста на средствата од европските фондови
- Финансиската и логистичката поддршка која ја добиваме од Европската унија при реализацијата на низа реформски процеси во областа на образованието, а во контекст на интегрирање на државата во
![Шаќири на состанок со претставници на ДЕУ и МФ за искористеноста на средствата од европските фондови](https://new.mia.mk/index.php/images/20221112045237_big_730x400_91.webp )
Скопје, 10 февруари 2022 (МИА) - Финансиската и логистичката поддршка која ја добиваме од Европската унија при реализацијата на низа реформски процеси во областа на образованието, а во контекст на интегрирање на државата во европското семејство, ни е особено важна и јас очекувам таа не само да продолжи во следниот период, туку и дополнително да се зголеми.
Ова го истакна министерот за образование и наука Јетон Шаќири за време на денешниот редовен месечен брифинг со високи претставници од Делегацијата на Европската унија и Министерството за финансии во однос на процесот на реализација на средствата од ЕУ фондовите, во рамки на ИПА 2 Акциските програми за 2017 и 2019 година.
-Искористеноста на овие средства е висока, а процесите ги спроведуваме максимално транспарентно, така што верувам дека и довербата кај нашите партнери расте и тоа ќе ни овозможи отворање на нови финансиски можности, рече Шаќири.
Министерот за образование, како што соопшти МОН, посочил дека за Северна Македонија како и досега, така и понатаму врвен стратешки приоритет останува интеграцијата во ЕУ и дека сите институции посветено работат во своите области заради исполнување на условите и критериумите кои ги наложува Унијата. дма/вј/