Шарлиз Терон го нападна „дебелиот“ Стивен Сегал кој не е многу фин со жените
- Тој е неверојатно тежок и, само ги турка луѓето. Поради неговата огромна телесна тежина, тој не ни може да се тепа. Мислам, смешно е. Ги турка луѓето внесувајќи им се в лице. Очигледна местен
![Шарлиз Терон го нападна „дебелиот“ Стивен Сегал кој не е многу фин со жените](https://new.mia.mk/index.php/images/20221104015644_big_730x400_32.webp )
Лос Анџелес, 25 јуни 2020 (МИА) - Шарлиз Терон смета дека ѕвездата од американските акциони филмови, Стивен Сегал е „неверојатно тежок“ - телесно, и оти не е вистински мајстор за боречки вештини.
Во радиоемисијата на Хауард Стерн, прашана како таа се подготвува за нејзините акциони улоги, јужноафриканската глумица рече дека, меѓу другото, гледа борби на интернет.
- И така, ќе наидам на видео како Стивен Сегал „се тепа“ во Јапонија. Всушност, се преправа. Тој е неверојатно тежок и, само ги турка луѓето. Поради неговата огромна телесна тежина, тој не ни може да се тепа. Мислам, смешно е. Ги турка луѓето внесувајќи им се в лице. Очигледна местенка!, нагласи Терон.
Јавувач љубител на Сегал жестоко негодуваше на тоа, па Терон му одговори и нему.
- Не, немам проблем да ги говорам овие г**нарии за него, зашто тој не е многу фин ни со жените, па еб* се и ти!, рече таа во етерот.
Терон тука веројатно мислеше на обвинувањата на британската глумица Рејчел Грант која неодамна тврдеше дека на една аудиција тој ја зграпчил и почнал да се соблекува. Сегал тогаш ги отфрли обвинувањата за сексуален напад. си/
![Стивен Сегал](/articles/images/sharliz-teron-go-napadna-debeliot-stiven-segal-ko-ne-e-mnogu-fin-so-zh/m2qpnOtue/placeholder.webp?use_watermark=0)