Член на италијанската Камора уапсен во Португалија по 20-годишна потера
- Португалската полиција денеска соопшти дека уапсила член на италијанската криминална организација Камора по две децении трагање.
![Член на италијанската Камора уапсен во Португалија по 20-годишна потера](https://new.mia.mk/index.php/images/20240309141219_big_730x400_72.webp )
Лисабон, 9 март 2024 (МИА) - Португалската полиција денеска соопшти дека уапсила член на италијанската криминална организација Камора по две децении трагање.
Во соопштението на полицијата се наведува дека апсењето го извршила на северот на земјата и дека против членот на камората, како што е позната неаполската мафија, била распишана европска потерница.
-Пред 20 години, 69-годишникот беше осуден на 15 години затвор за трговија со дрога, но отиде во бегство и оттогаш е баран од италијанските власти, соопшти полицијата.
Тој се појави пред португалски судија и ќе остане во затвор во очекување на екстрадиција. мс/
фото: МИА архива