Брисел, 3 април 2025 (МИА) - Земјите - членки на Европската унија на 9 април би требало да гласаат за контрамерки на американските царини за челик и алуминиум, изјави денеска висок претставник на ЕУ.

Овој предлог на Комисијата ќе биде усвоен доколку не се спротивстави квалификуваното мнозинство од 15-те земји-членки кои претставуваат 65 отсто од населението на ЕУ.

Претседателката на Европската комисија, Урсула фон дер Лајен, претходно денеска ги критикуваше новите американски царини и најави дека ЕУ веќе подготвува контрамерки.

„Европа е во завршна фаза од првиот пакет мерки како одговор на првите царини за челикот, а ние подготвуваме и дополнителни мерки доколку преговорите не дадат резултати“, порача Фон дер Лајен. рп/

Фото: МИА архива