Чешкиот амбасадор Јарослав Лудва во посета на Општина Битола
- Амбасадорот на Чешка во земјава, Јарослав Лудва, ја посети Општина Битола и се сретна со градоначалникот Тони Коњановски.
![Чешкиот амбасадор Јарослав Лудва во посета на Општина Битола](https://new.mia.mk/index.php/images/20230223150051_big_730x400_13.webp )
Битола, 23 февруари 2023 (МИА) - Амбасадорот на Чешка во земјава, Јарослав Лудва, ја посети Општина Битола и се сретна со градоначалникот Тони Коњановски.
За време на првата посета на Битола, чешкиот амбасадор беше информиран за имплементацијата на повеќе решенија поврзани со урбаната мобилност и примената на современи решенија за развој на паметни градови.
На средбата Коњановски – Лудва, посебен акцент во разговорот беше ставен на добрите примери и стратегии кои се применуваат во Чешка, предностите од користењето на електрични автобуси, како и позитивните искуства од функционирањето на принципот на јавно – приватно партнерство, соопштија од Општина Битола. мт/сст/
Фото: Општина Битола