Чеченскиот лидер Кадиров се повлекува од функцијата
- Лидерот на рускиот регион Чеченија, Рамзан Кадиров денеска најави дека планира да земе „неограничена и долга“ пауза од својата функција
![Чеченскиот лидер Кадиров се повлекува од функцијата](https://new.mia.mk/index.php/images/20221113212638_big_730x400_27.webp )
Грозни, 3 септември 2022 (МИА) - Лидерот на рускиот регион Чеченија, Рамзан Кадиров денеска најави дека планира да земе „неограничена и долга“ пауза од својата функција.
Тој владее со Чеченија од 2007 година и е лидер со најдолг стаж во тој руски регион.
- Сфатив дека веќе долги сум на функција. Мислам дека дојде моето време (да ја напуштам власта), објави 45-годишниот Кадиров на Телеграм.
Кадиров, кој е близок со рускиот претседател Владимир Путин, не наведе што ќе работи откако ќе се повлече од функција.
Чеченија под негово владеење е обвинета за масовно кршење на човековите права.
Кадиров во март наводно отпатувал во Украина, а има тврдења дека членови на неговата борбена полиција се борат заедно со руската армија. ми/