Четири пожари во Кавадаречко, пожарникарите апелираат да се внимава кога се гори отпад крај нивите
- Според првичните согледувања, пожарите биле предизвикани од неконтролирано горење органски отпад кај нивите, особено лозови прачки кои останале по резидбата на виновите лози.
![Четири пожари во Кавадаречко, пожарникарите апелираат да се внимава кога се гори отпад крај нивите](https://new.mia.mk/index.php/images/20221107013307_big_730x400_3.webp )
Кавадарци, 11 април 2021 (МИА) - Четири пожари избувнале денеска во Кавадаречко, во атарот на селата Сопот и Раец, како и во росоманските Рибарци и Паликура.
Како што информираа за МИА од Територијалната противпожарна единица - Кавадарци, според првичните согледувања пожарите биле предизвикани од неконтролирано горење органски отпад кај нивите, особено лозови прачки кои останале по резидбата на виновите лози.
-По двајца пожарникари со по едно противпожарно возило се на терен, се гасне во атарот на кавадаречките села Сопот и Раец и росоманските Рибарци и Паликура. Заради зголемениот обем на работа повикани се да интервенираат и пожарникари кои денеска имаа слободен ден, рекоа од Противпожарната единица.
Пожарникарите апелираат на внимателност за да не се случуваат пожари. свд/мч/