Сана, 7 август 2024 (МИА) - Четириесет и пет луѓе загинаа во Јемен во последниве денови во поплавите предизвикани од обилните дождови, врз основа на бројките објавени денеска од агенција на ОН и локален официјален претставник, пренесе БТА.

Обилните дождови и поплавите на 2 август во Макбана, во југозападната провинција Талц, исто така погодија околу 10.000 луѓе, соопшти Канцеларијата за хуманитарни прашања на Обединетите нации на „X“.

Од своја страна, Мохамед Кахим, гувернерот на јеменската област Ходеида, контролирана од бунтовниците Хути, пријави 30 мртви и пет лица кои се водат за исчезнати.

Тој додаде дека има уништени домови, а повеќе од седум автомобили биле однесени од водата. мс/

фото: МИА архива