Четврти протест на гостиварци против поскапувањето на струјата
- Поголема група гостиварци вечерва одржа протестен марш незадоволни од одлуката на Регулаторната комисија за енергетика за зголемувањето на цената на електричната енергија за 7,4 проценти. Мар
![Четврти протест на гостиварци против поскапувањето на струјата](https://new.mia.mk/index.php/images/20221104184530_big_730x400_64.webp )
Гостивар, 28 август 2020 (МИА) - Поголема група гостиварци вечерва одржа протестен марш незадоволни од одлуката на Регулаторната комисија за енергетика за зголемувањето на цената на електричната енергија за 7,4 проценти. Маршот го организираше навивачката група „Кастриоти“.
Со транспаренти за намалување на струјата, пораки до надлежните напишани на албански јазик и скандирање повеќе стотина граѓани поминаа од Центарот за култура до дирекцијата на ХЕЦ Маврово и завршија пред седиштето на КЕЦ на ЕВН Македонија.
Организаторите посочија дека целта на протестот е да се истакнат нивните барања: да се повлече одлуката за зголемување на цената на електричната енергија, да се намали цената до 20 проценти, да се укине монополот на услугите на ЕВН, да се распушти Регулаторната комисија за енергетика и да се создаде независно тело во служба на граѓаните кое ќе го проверува квалитетот на услугите од областа на енергетиката.
Протестот кој траеше нешто повеќе од половина час помина без инциденти и под надзор на полициски службеници. На крајот од протестот кон зградата на ЕВН беа фрлени јајца и ролни со тоалетна хартија.
Вакви и силни протести вечерва имаше и во неколку градови низ Македонија.згм/лв/
![thumbnail_EVN_protest_gv](/articles/images/chetvrti-protest-na-gostivarci-protiv-poskapuva-eto-na-stru-ata/wIdcEfQ6D/placeholder.webp?use_watermark=0)