Четворица војници загинаа во вооружен инцидент во касарна во Индија
- Четворица индиски војници загинаа денеска во касарна за време на вооружен инцидент, соопштија официјални лица, истакнувајќи дека потрагата по напаѓачите е во тек.
![Четворица војници загинаа во вооружен инцидент во касарна во Индија](https://new.mia.mk/index.php/images/20230412100737_big_730x400_78.webp )
Њу Делхи, 12 април 2023 (МИА) - Четворица индиски војници загинаа денеска во касарна за време на вооружен инцидент, соопштија официјални лица, истакнувајќи дека потрагата по напаѓачите е во тек.
- Непознат број луѓе, кои пукаа во војници во касарната Батида во пограничната држава Пенџаб, се уште се на слобода и поседуваат оружје, изјави претставник од Министерството за одбрана.
Инцидентот „не е терористички напад“ и се случил во менза, изјавил за британски медиум висок полициски функционер во Пенџаб.
„Инцидентот се случи во 4 часот и 35 минути наутро. Активирани се тимови за одговор при итни случаи. Просторот е ограден и блокиран. Потрагата е во тек, а се утврдуваат сите детали“, се вели во соопштението на армијата.
Во овој објект, на околу 280 километри северозападно од Њу Делхи, се сместени претежно семејства на војници и станува збор за станбена воена база. паг/
Фото: ЕПА