Честитка од Џафери по повод празникот Св. Климент Охридски
- Честитка по повод празникот Св. Климент Охридски до православните верници, во свое и во име на пратениците, упати претседателот на Собранието Талат Џафери.
![Честитка од Џафери по повод празникот Св. Климент Охридски](https://new.mia.mk/index.php/images/20231208133346_big_730x400_69.webp )
Скопје, 8 декември 2023 (МИА) - Честитка по повод празникот Св. Климент Охридски до православните верници, во свое и во име на пратениците, упати претседателот на Собранието Талат Џафери.
-Ви го честитам големиот христијанскиот празник Св. Климент Охридски, празник на основоположникот на црковниот живот во Република Северна Македонија и ревносен ученик на светите браќа Кирил и Методиј. Неговиот лик и дело е најдобар пример за симбиозата меѓу духовната и просветителската мисија, најдобар пример за тоа како да се допре до срцата и умот на следбениците за да се постават солидни основи за произведување трајни вредности кои, покрај тоа што се значајно наследство за идните поколенија, се и скапоцен дар за светското духовно и просветителско наследство, пишува во честитката на Џафери.
Во неа претседателот на Парламентот порачува „да се обидеме да бидеме достоинствени чувари на тоа наследство“.
-Заедно да го збогатиме со сета духовна и просветителска разноликост што го краси нашето општество и што не обединува како граѓани на нашата заедничка држава, Република Северна Македонија, додава Џафери во честитката по повод празникот посветен на патронот на македонската култура и писменост и прв словенски епископ - св. Климент Охридски. хс/дма/
Фото: МИА архива