Милано, 5 јануари 2021 (МИА) - Играчот за врска на Милан, Хакан Чалханоглу ќе го напушти тимот во блиска иднина. Според „TMW“ за фудбалерот италијанскиот клуб веќе најде замена. Според изворот, миланезите се заинтересирани за играчот за врска на Верона, Матија Закањи. Договорот на фудбалерот со клубот истекува летото 2022 година. Претходно беше објавено дека Милан ќе го продолжи договорот со Чалханоглу до 2024 година. Оваа сезона, 26-годишниот Турчин одигра 14 натпревари за Милан, постигна еден гол и направи шест асистенции. Дваесет и петгодишниот Закањи постигна пет гола и две асистенции на 15 натпревари. зс/