ЦУК: Поради засилен ветер пожар се шири кон повисоките делови на сртот кон Општина Долнени
- Центарот за управување со кризи (ЦУК) информира за пожар којшто денеска попладне избувнал покрај железничката пруга кај местото Ореше, Општина Чашка, и којшто и покрај напорите за гаснење е сеуште критичен и доста активен, а поради засилениот ветер се шири кон повисоките делови на сртот кон Општина Долнени.
![ЦУК: Поради засилен ветер пожар се шири кон повисоките делови на сртот кон Општина Долнени](https://new.mia.mk/index.php/images/20230914182148_big_730x400_55.webp )
Скопје, 14 септември 2023 (МИА) - Центарот за управување со кризи (ЦУК) информира за пожар којшто денеска попладне избувнал покрај железничката пруга кај местото Ореше, Општина Чашка, и којшто и покрај напорите за гаснење е сеуште критичен и доста активен, а поради засилениот ветер се шири кон повисоките делови на сртот кон Општина Долнени.
-Во 12:38 часот, во Центарот за управување со кризи, добиена е пријава за пожар на сува трева покрај железничката пруга кај м.в.Ореше, Општина Чашка. За кратко време, поради силен и променлив ветар, пожарот се прошири во дабовата и габеровата шума, помеѓу селата Ореше и Богомила. Поради пожарот, до околу 17:00 часот, во прекин беше и железничкиот сообраќај. На интервенција на пожарот излегоа ЈП Национални шуми – подружница „Бабуна“ – Велес, како и лица од месно население, соопштуваат од ЦУК.
Како што наведуваат од ЦУК, поради брзото ширење на пожарот и неможноста да се стави под контрола од силите кои интервенирале, во 14:36 часот, подигнати во воздух како воздушна подршка на силите кои го гаснат пожарот од земја се трите ер-трактори на Дирекцијата за заштита и спасување и тие дејствувале два пати. Според известувањето од одговорното лице на терен, пожарот е сеуште критичен и доста активен, а поради засилениот ветер се шири кон повисоките делови на сртот кон Општина Долнени, посочуваат од Центарот за управување со кризи. ев/дма/
ФОТО: МИА Архива