ЦУК: Десет пожари на отворено во државава во текот на денов, седум од нив се во Скопско
- На територијата на државава во текот на денов се регистрирани 10 пожари на отворено, а од нив седум се во Скопско кои се изгаснати или се уште се гасат.
![ЦУК: Десет пожари на отворено во државава во текот на денов, седум од нив се во Скопско](https://new.mia.mk/index.php/images/20230804193955_big_730x400_7.webp )
Скопје, 4 август 2023 (МИА) - На територијата на државава во текот на денов се регистрирани 10 пожари на отворено, а од нив седум се во Скопско кои се изгаснати или се уште се гасат.
Како што информира Центарот за управување со кризи (ЦУК), пожар е регистриран во велешкото село Сливник во кој е зафатена една куќа, во село Сопотница, Демир Хисар, во пожар се зафатени сува трева и нискостеблеста вегетација, а стрниште, сува трева и гуми горат во пожарот во струмичкото село Костурино.
Во Скопско се изгаснати и се уште се гасат седум пожари на отворено. ЦУК соопшти дека во Горно Блаце горела мешана деградирана шума и трева, а кај село Љубош, Студеничани над Батинци, горела деградирана шума и дива депонија.
-Во Волково гори трева, нискостеблеста деградирана шума и ѓубре. Изгоре и еден помошен објект. Пожарот е под контрола. Во Бојане, Сарај, гореше шума и трева, во општина Бутел околу ул. „Боца Иванова“ кон обиколницата гореше сува трева, а изгоре и еден помошен објект. Гореше и депонијата Вардариште, како и ѓубре во село Орешани во општина Зелениково, информира ЦУК. хс/са/
Фото: МИА архива