Кичево, 4 јуни 2021 (МИА) - Поради прегревање на локомотивата, моторниот воз цела седмица не сообраќа на релација Скопје - Кичево. На жителите од овој регион еднинствен начин за превоз до главниот град им се автобусите. Патници кои често патуваат на оваа релација потврдуваат дека топлото време и нагорнината на пругата Гостивар - Кичево се причина за прегревање на локомотивата од возот кој е во употреба повеќе од четири децении. Пред две недели патници се пожалија дека возот тргнал од Гостивар кон Кичево, но кога стигнал на половина пат, локомотивата се прегреала и морал да се врати назад во Гостивар. Било доцна, па патниците можеле да се превезат до Кичево единствено со такси возила. за/мч/