Царинска управа: Доделен сертификат за овластен eкономски oператор на Даути Комерц АД Скопје
- Компанијата Даути Комерц АД Скопје се стекна со статус на Овластен eкономски oператор (ОЕО) за царински поедноставувања, безбедност и сигурност во работењето.
![Царинска управа: Доделен сертификат за овластен eкономски oператор на Даути Комерц АД Скопје](https://new.mia.mk/index.php/images/20230526173610_big_730x400_60.webp )
Скопје, 26 мај 2023
Компанијата Даути Комерц АД Скопје се стекна со статус на Овластен eкономски oператор (ОЕО) за царински поедноставувања, безбедност и сигурност во работењето.
За оваа цел, денес директорката на Царинската управа м-р Славица Кутиров, заедно со заменик директорот Муарем Асани и висок раководен тим од Царинската управа беа во работна посета на компанијата Даути Комерц, на која беше доделено Одобрението за Овластен економски оператор.
Ова е уште едно признание за досегашното успешно работење на Даути Комерц, доказ дека компанијата е препознаена како сигурен и безбеден партнер на Царината и има воспоставено контрола над процесите на своето работење.
На средбата директорката Кутиров истакна дека сè повеќе компании ја разбираат потребата и важноста да се биде ОЕО. Исполнувањето на условите за добивање на статус на ОЕO, на овие компании им овозможува примена на царински поедноставувања,намалени контроли, кои важат од неоддамна и во земјите од Отворен Балкан. Ова истовремено влијае на јакнење на нивната конкурентност во регионот и ЕУ.
Даути Комерц АД Скопје е 27-та по ред македонска компанија која добива статус на Овластен економски оператор.
Листата на домашни компании кои имаат одобрение за ОЕО може да ја погледнете на следниот линк:
https://www.customs.gov.mk/ovlasten-ekonomski-operator.nspx
Царинска управа
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.