Хоџа утре ќе ги посети лозарите кои најавија протест во Неготино
- Министерот за земјоделство Аријанит Хоџа Утре во 9 часот заедно со градоначалникот на Неготино ќе заминат на локација старо ФЕМ каде е најавен протест во врска со откупните цени на грозјето.
![Хоџа утре ќе ги посети лозарите кои најавија протест во Неготино](https://new.mia.mk/index.php/images/20221108154649_big_730x400_49.webp )
Скопје, 4 септември 2021 (МИА) - Министерот за земјоделство Аријанит Хоџа Утре во 9 часот заедно со градоначалникот на Неготино ќе заминат на локација старо ФЕМ каде е најавен протест во врска со откупните цени на грозјето.
Министерот и градоначалникот сакаат да ги сретнат граѓаните кои ќе се појават на протестот за да ги информираат дека откупната цена на грозјето која лани изнесуваше 6-8 денари, сега изнесува 11-13 денари.
Владата ја активираше и дополнителната мерка од +2 денари по килограм, а за изнаоѓање на поволни решенија министерот и надлежните се во постојани консултации со здруженијата и со винариите.
Од Министерството за земјоделство брифираат дека ваквиот отворен пристап на разговори со сите засегнати страни без политички и партиски заднини може да донесе само подобро информирање и подобри услови за лозарите. ац/