„Хонда“ очекува пад на продажбата
Токио, 9 февруари 2021 (МИА) - Јапонскиот производител на автомобили „Хонда“ ја намали својата прогноза за продажбата на возила, поради глобалниот недостиг на полупроводници потребни за производство на електронски склопови, се вели во извештајот на компанијата.
Предвидувањата за продажбата за фискалната 2020 година што завршува на 31 март се намалени за 100.000, на 4,5 милиони автомобили. Во исто време, компанијата ја подобри прогнозата за заработка од 390 милијарди јени (околу три милијарди евра), на 465 милијарди јени (околу 3,6 милијарди евра). Значи, се очекува раст на приходите и покрај намалената продажба, а тоа е резултат на „оптимизација на трошоците“.
„Хонда“ во јануари објави принудно затворање на својата фабрика „Сузуки“ во западна Јапонија поради недостаток на полупроводници. Како што објавија тогаш, недостигот е резултат на ударот врз светската побарувачка за автомобили и зголемена употреба на персонални компјутери и конзоли за игри за кои се потребни полупроводници.
Претходно, исто така, поради недостаток на полупроводници, и „Субару“ и „Тојота“ почнаа да го намалуваат производството во своите погони во САД. си/сд/
