Хасан во посета на Еуро Брик: Владата и компаниите се во непрекината комуникација со цел зајакнување на соработката
- Министерот без ресор задолжен за странски инвестиции, Елвин Хасан денеска оствари работна посета на македонско-турска компанија за производство на цигли, Еуро Брик во Велес, каде истакна дека
![Хасан во посета на Еуро Брик: Владата и компаниите се во непрекината комуникација со цел зајакнување на соработката](https://new.mia.mk/index.php/images/20221104135645_big_730x400_24.webp )
Скопје, 10 јули 2020 (МИА) - Министерот без ресор задолжен за странски инвестиции, Елвин Хасан денеска оствари работна посета на македонско-турската компанија за производство на цигли, Еуро Брик во Велес, каде истакна дека Владата и компаниите одржуваат непрекината комуникација со цел зајакнување на соработката и добивање најдобри резултати.
Оваа компанија е корисник на финансиска поддршка согласно Законот за Финансиска поддршка на инвестиции, кој има за цел директна поддршка на инвестициите и поттикнување на компаниите да се развиваат и да го зголемуваат производството.
Министерот во склоп на својата посета на Велес остварил средба со граѓани.
При средбата со граѓаните, како што соопшти владината прес-служба, тој ги сослушал нивните барања и проблеми и разговарале за замислите и плановите на коалицијата за натамошниот период.
-Министерот Елвин Хасан е заменик претседател на Партијата за движење на турците која е дел од коалицијата Можеме. Партијата за движење на турците и во периодот на опозиција се залагаше за градење на демократско општество со европски вредности каде што секој е еднаков и малите етнички заедници се рамноправни со останатите и уживаат во истите права, се наведува во соопштението на Владата.
Коалицијата, како што се наведува во соопштението, се залага за подобрување на квалитетот на граѓаните и во изминатите години власт постигнала значителни резултати со покачување на пензиите, субвенциите како и минималната плата која од 9.000 се покачи на 14.500 и која до 2024 се планира да стигне до 20.000.бт/са/
![хасан](/articles/images/hasan-vo-poseta-na-euro-brik-vladata-i-kompaniite-se-vo-neprekinata-ko/3XRusHXXl/placeholder.webp?use_watermark=0)