Хамас го именуваше шефот на Газа, Јехја ал-Синвар за нов лидер на групата
- Јехја ал-Синвар, шефот на Хамас во Појасот Газа, е избран да го замени Исмаил Ханије за водач на палестинската милитантна група, јави ДПА.
![Хамас го именуваше шефот на Газа, Јехја ал-Синвар за нов лидер на групата](https://new.mia.mk/index.php/images/20240806204226_big_730x400_18.webp )
Бејрут, 6 август 2024 (МИА) - Јехја ал-Синвар, шефот на Хамас во Појасот Газа, е избран да го замени Исмаил Ханије за водач на палестинската милитантна група, јави ДПА.
Промоцијата на Ал-Синвар во рамките на Хамас поддржан од Иран беше објавена денеска на Телеграм.
Тој е обвинет дека е организатор на нападите на 7 октомври во јужен Израел во кои загинаа околу 1.200 луѓе, главно цивили, а околу 250 луѓе беа заложници.
Ханија со седиште во Катар беше убиен пред речиси една недела додека беше во посета на Техеран на инаугурацијата на новиот претседател на Иран.
Иран и неговите сојузници ветија остра одмазда против Израел како одговор, предизвикувајќи стравувања од поширока регионална војна. мс/
фото: ДПА