Фулкруг потпиша четиригодишен договор со Вест Хем
- Поранешниот фудбалер на Борусија Дортмунд, Никлас Фулкруг денеска потпиша четиригодишен договор со премиерлигашот Вест Хем.
![Фулкруг потпиша четиригодишен договор со Вест Хем](https://new.mia.mk/index.php/images/20240805215440_big_730x400_78.webp )
Лондон, 5 август 2024 (МИА) – Поранешниот фудбалер на Борусија Дортмунд, Никлас Фулкруг денеска потпиша четиригодишен договор со премиерлигашот Вест Хем.
Лондонскиот клуб плати 27 милиони фунти за трансферот на 31-годишниот германски репрезентативец, објави Би-Би-Си.
„Среќен сум што сум овде и едвај чекам да излезам на теренот со моите нови соиграчи. Мислам дека Премиер лигата е најдобрата лига во светот, а за мене ова е вистинско време да дојдам во Англија да играм за голем клуб како Вест Хем“, рече Фулкруг.
Германецот е петтото засилување на Вест Хем во летниот преоден рок. Новиот менаџер Хулен Лопетеги ги доведе Макс Килман од Вулверхемптон, Луис Гилермо од Палмеирас, Крисенсио Самервил од Лидс и голманот Вес Фодерингам од Шефилд Јунајтед. ег ФОТО: Фејсбук