Фулам за Митровиќ ќе добие рекордни 45 милиони фунти од Ал Хилал
- Менаџерот на Фулам, Марко Силва потврди дека нивниот најдобар фудбалер Александар Митровиќ си заминува.
![Фулам за Митровиќ ќе добие рекордни 45 милиони фунти од Ал Хилал](https://new.mia.mk/index.php/images/20230820124704_big_730x400_37.webp )
Лондон, 20 август 2023 (МИА) - Менаџерот на Фулам, Марко Силва потврди дека нивниот најдобар фудбалер Александар Митровиќ си заминува.
- Тој го принуди трансферот. Мислам дека сите знаете за тоа, многумина пишуваа за тоа. Очигледно инсистираше да си оди, рече Силва.
Според новинарот на „The Athletic“, Питер Руцлер, Фулам ќе добие рекордни 45 милиони фунти (52,6 милиони евра) од Ал-Хилал, а ќе може да смета и на дел од сумата за која Србинот ќе биде препродаден во иднина.
Претходниот рекорд на клубот од Лондон е 25 милиони фунти и до 5 милиони фунти бонуси за Рајан Сесењон. зс/
Фото: Твитер