Француска донација од медицинската опрема за установи во Берово
- Во Берово пристигна медицинската опрема наменета за неколку установи како донација од Асоцијацијата „Алзас“ од Франција. Од општината информираа дека донацијата е обезбедена како резултат на
![Француска донација од медицинската опрема за установи во Берово](https://new.mia.mk/index.php/images/20221107011318_big_730x400_26.webp )
Берово, 6 април 2021 (МИА) - Во Берово пристигна медицинската опрема наменета за неколку установи како донација од Асоцијацијата „Алзас“ од Франција. Од Општината информираа дека донацијата е обезбедена како резултат на соработката на Општина Берово и амбасадорот на РСМ во Франција, Јадранка Чаушевска Димов.
Дополнуваат дека донацијата е обезбедена преку големиот хуманист Жак Шлеф, а ќе се користи во Здравствен дом Берово и во Домот за стари лица д-р Иван Влашки.
- Истата се состои од рентген машина за снимање на заби, различни видови помагала, колички, душеци и друг вид медицинска опрема и ќе им биде од корист на најранливите категории граѓани, истакнаа од Општината.
![](/articles/images/francuska-donaci-a-od-medicinskata-oprema-za-ustanovi-vo-berovo/7qQIhsZI2/placeholder.webp?use_watermark=0)
Голема благодарност за донацијата, упати градоначалникот Звонко Пекевски, кој очекува со истата да се унапредат услугите кои овие институции ги пружаат кон граѓаните.
- Ова ќе значи унапредување на општинските услуги, а корисниците на услугите во Домот за стари лица, во Берово, ќе добијат уште подобар третман, додаде Пекевски.
Од истата хуманитарна организација, за Општина Берово кон крајот на јуни е најавена уште една донација, која, исто така, ќе содржи медицинска опрема. вс/ар/