Фон дер Лајен против „присилното раселување“ на Палестинците
- „Со претседателот Сиси разговарав за актуелната хуманитарна криза во Газа и му се заблагодарив за улогата на Египет во обезбедувањето и олеснувањето на испораката на хуманитарна помош за ранливите Палестинци“, напиша Фон дер Лејен на X.
![Фон дер Лајен против „присилното раселување“ на Палестинците](https://new.mia.mk/index.php/images/20231118162111_big_730x400_76.webp )
Каиро, 18 ноември 2023 (МИА) - Претседателката на Европската комисија Урсула фон дер Лајен денеска по средбата со египетскиот претседател Абдел Фатах ал-Сиси во Каиро уште еднаш кажа дека се противи на „присилното раселување“ на Палестинците, во контекст на војната меѓу Израел и Хамас во Газа.
„Со претседателот Сиси разговарав за актуелната хуманитарна криза во Газа и му се заблагодарив за улогата на Египет во обезбедувањето и олеснувањето на испораката на хуманитарна помош за ранливите Палестинци“, напиша Фон дер Лејен на X.
„ Се согласуваме со принципот на ненасилно раселување на Палестинците и политичкиот хоризонт темелен на решавањето на проблемот со создавање две држави, израелска и палестинска“, додаде таа.
Претседателката на Европската комисија потоа замина за Синај, соопшти гувернерот на регионот што граничи со Израел и Газа.
Тој додаде дека „таа потоа го посетила аеродромот Ел-Ариш, дека ќе оди на преминот Рафа, ќе ја прегледа хуманитарната помош и ќе ги посети повредените Палестинци во болниците во овој источен египетски регион“. сд/
фото:ЕПА