Филмот „Барби“ заработи над милијарда долари
- илмот заработил 459 милиони долари во домашните кина и 572,1 милион вон САД, така што вкупната заработка веќе е 1,0315 милијарди долари.
![Филмот „Барби“ заработи над милијарда долари](https://new.mia.mk/index.php/images/20230807072517_big_730x400_19.webp )
Лос Анџелес, 7 август 2023 (МИА) - Филмот „Барби“ заработи над милијарда долари од продажбата на билети во САД и ширум светот за околу две недели, објави вчера Ворнер Брос.
- Како главни дистрибутитери, често и не остануваме без зборови од изведбата на филмот, но 'Барбилион' ги надмина дури и нашите најоптимистички предвидувања, изјави Џеф Голдстин, одг одговорен за домашната дистрибуција на „Ворнер брос“.
Студиото објави дека филмот заработил 459 милиони долари во домашните кина и 572,1 милион вон САД, така што вкупната заработка досега веќе е 1,0315 милијарди долари. Оваа информација ја потврди аналитичката компанија „Комскор“ (Comscore).
Во режија на сценаристката-режисерка Грета Гервиг, во филмот глумат Марго Роби и Рајан Гослинг во главните улоги како Барби и Кен. си/
Фото: МИА архива.