Филипче: Никој не останал без лекарска грижа, на останатите клиники се направени зелени зони за вообичаените прегледи
- Никој не останал без лекарска грижа. За превентивата која што се одвива кај матичните лекари не е ништо променето, меѓутоа кај специјалистите и специјалистичките прегледи во сите болници во м
![Филипче: Никој не останал без лекарска грижа, на останатите клиники се направени зелени зони за вообичаените прегледи](https://new.mia.mk/index.php/images/20221108155046_big_730x400_61.webp )
Скопје, 6 септември 2021 (МИА) - Никој не останал без лекарска грижа. За превентивата која што се одвива кај матичните лекари не е ништо променето, меѓутоа кај специјалистите и специјалистичките прегледи во сите болници во моментот кај што се третираат ковид пациенти не се запрени останатите прегледи, изјави на денешната прес-коференција министерот за здравство Венко Филипче.
Во однос на притисокот врз останатите болнички капацитети во четвртиот бран, Филипче нагласи дека и покрај тоа што даваат кадар во ковид центрите работата на останатите клиники не е запрена.
- Во Клиничкиот центар на Интерните клиники и покрај тоа што се зафатени одделенијата со ковид пациенти за Неврологија, еден дел за уво, нос и грло и за дерматологија, останатите клиники се направени и зелени зони и место каде што се движат лекарите за вообичаените прегледи, така што на останатите клиники работата и покрај тоа што даваат кадар во ковид центрите не е запрен, изјави Филипче.
Значи, посочи Филипче, целосно со целосен капацитет работат амбулантите и на гастро, и на пулмологија, целата Интерна клиника. аа/рп/