Манила, 2 декември 2024 (МИА) - Претседателот на Филипините, Фердинанд Маркос Јуниор, ја опиша информацијата за присуство на руска подморница во ексклузивната економска зона на неговата земја како „многу алармантна“.

Филипинското издание „Daily Inquirer“, повикувајќи се на извори во безбедносниот систем, денеска објави дека руска нападна подморница била забележана минатата недела во филипинската ексклузивна економска зона (на оддалеченост до 200 наутички милји подалеку од територијалните води на земјата.

-Ова е многу загрижувачки. Секој упад во Западното Филипинско Море, во нашата ексклузивна економска зона, е многу загрижувачки, изјави претседателот за медиумите.

Тој не откри повеќе детали за пријавеното присуство на подморницата, велејќи дека ќе дозволи војската да разговара за ова прашање. мс/

фото: ЕПА