Филипините повикаа на разговор дипломат од Кинеската амбасада во Манила по инцидент во Јужното Кинеско Море
- Филипините соопштија дека во Министерството за надворешни работи повикале дипломат од Кинеската амбасада во Манила по „воинствените дејствија“ на кинеската крајбрежна стража и кинески брод во близина на гребен во Јужното Кинеско Море.
![Филипините повикаа на разговор дипломат од Кинеската амбасада во Манила по инцидент во Јужното Кинеско Море](https://new.mia.mk/index.php/images/20240325092646_big_730x400_49.webp )
Манила, 25 март 2024 (МИА) - Филипините соопштија дека во Министерството за надворешни работи повикале дипломат од Кинеската амбасада во Манила по „воинствените дејствија“ на кинеската крајбрежна стража и кинески брод во близина на гребен во Јужното Кинеско Море.
Манила го изрази својот „силен протест против агресивните дејствија преземени во саботата од страна на кинеската крајбрежна стража и поморската полиција“ против филипинскиот брод за снабдување во близина на спорен остров во Јужното Кинеско Море. Според Филипините, кинеските гардисти го блокирале бродот за снабдување и го оштетиле со водени топови, при што биле повредени тројца војници.
Од своја страна, кинеските стражари ги опишаа нивните маневри како „легитимно регулирање, пресретнување и протерување“ на странски брод што „се обиде насилно да влезе“ во кинеските води.
Во последните месеци кинеските бродови веќе користеа водени топови и се судрија со филипинските бродови во близина на островот. рп/
Фото: МИА архива