Феро победничка на ВТА турнирот во Палермо
- Француската тенисерка Фиона Феро го освои првиот турнир кој по петмесечна пауза предизвикана од пандемијата, се одржа во Палермо, Италија.
![Феро победничка на ВТА турнирот во Палермо](https://new.mia.mk/index.php/images/20221104165541_big_730x400_58.webp )
Палермо, 9 август 2020 (МИА) – Француската тенисерка Фиона Феро го освои првиот турнир кој по петмесечна пауза предизвикана од пандемијата, се одржа во Палермо, Италија.
Таа вечерва во финалето ја совлада Анет Контавеит од од Естонија со 2-0, по сетови 6:2 и 7:5.
Финалето во Палермо траеше еден час и 45 минути.
Французинката, која во моментов е на 53. место на светската ранг-листа, ја освои втората ВТА титула во нејзината кариера и од утре ќе влезе во првите 50, станувајќи 44-ти рекет во светот. зс/