Усвоена Националната програма „2021 - Година во чест на Блаже Конески”
- Владата на денешната 44-та седница ја разгледа и прифати Националната програма „2021 - Година во чест на Блаже Конески” и го задолжи Министерството за култура да ја координира реализацијата н
![Усвоена Националната програма „2021 - Година во чест на Блаже Конески”](https://new.mia.mk/index.php/images/20221105201651_big_730x400_27.webp )
Скопје, 9 февруари 2021 (МИА) - Владата на денешната 44-та седница ја разгледа и прифати Националната програма „2021 - Година во чест на Блаже Конески” и го задолжи Министерството за култура да ја координира реализацијата на оваа Националната програма, која оваа година е дел од календарот важни меѓународни јубилеи на УНЕСКО.
На седницата, информираат од владината прес-служба, е донесен заклучок со кој и се укажува на Народна Банка во рок од пет дена до Владата да достави предлог одлука за изработка на пригодни ковани пари, по повод „2021 - Година во чест на Блаже Конески”.
Министерствата за култура, за образование и наука и за надворешни работи се задолжени да ги реализираат активностите содржани во Националната програма кои се од нивна надлежност, а на останатите институции и установи вклучени во Националната програма „2021 - Година во чест на Блаже Конески” им се укажува навремено и квалитетно да ги реализираат содржините наведени во националната програма, согласно предвидената динамика и да ги финансираат во рамки на сопствените Буџети. вј/лв/
![sednica](/articles/images/usvoena-nacionalnata-programa-2021-godina-vo-chest-na-blazhe-koneski/dnEJHfJW3/placeholder.webp?use_watermark=0)